Transcription
1
Monsieur, je partys yer de Dourmans, quatre lieues par della Chasteautiery, où je layssès
2
la reyne, mère du roy et Monsieur, qui sont allées visiter madame de Lorrayne, laquelle y est
3
tumbée malade despuis huit jours en sa, que la fievre la saisit audit Dourmans ; les medecins
4
asseurent que ce ne sera rien, aydant Dieu. Tout aussi toust que madite dame sera hors de
5
fiebvre, la reyne, mère du roy et mondit seigneur reviendront en ceste ville pour donner ourdre
6
à leurs affaires, lessquelz ce passent à lacoustumée, sans que lon puisse ce resouldre à leur
7
dessain. Le roy est aus environs de la fouretz de Cressi, il se bruit quil ne viendra en ceste
8
ville quilz ne si rendent toutz emsemble, pour ne voulloyr demesler aulcunes affaires sans la
9
presence de la reyne sa mère et de mondit seigneur son frère. Au demeurant, le sieur de
10
Chastelart vous escrit pour le regart du cayer que Cavaignes a produit au conseil dont je
11
ne suis que bien ayse quar la fin en reussira à vostre grandeur, veu limpression, estime et
12
asseurance que leurs magestés et mondit seigneur ont de voz bonnes accions, comme ilz
13
mont dit plusieurs foys. Jay veu la lettre que vous escrivés à monsieur de Chastelart et à
14
moy du XVIIe ; je solliciteray leurs dites magestés pour vous donner advis de leur intention. Je
15
masseure quelles recevront grant contantement dentendre la bonne impression que le roy
16
d’Espagne a de leurs juste volonté. Je prie à Dieu qui les continue en bonne paix et amityé q.
17
Jay veu les lettres que le sieur de Mondoucet, ambassadeur pour leurs dites magestés près le duc
18
d’Albe, a escrit à mondit seigneur, comme monsieur de Jenly est prisonnyer avec grand nonbre
19
de noblesse, que je ne vous nommeray presentement pour nestre trop prolix. Il y demeura cinq
20
centz hommes sur la place. Ilz ont renvoyé force privés soldatz après les avoyr devalisés jusques
21
à la chemise quilz leurs ostarent. Jamays gentz ne firent si mal que firent les huguenotz françoys.
22
Ilz y ont aquis une très mauvaise reputation. Le filz du duc d’Albe est à une demye lyeue de Montz
23
lequel est sur le point de ce résouldre de deus choses : lune quest dataquer Montz par troys
24
endroitz ou daller au devant du prince d’Aurange pour le combatre. Voyla ce que le dit sieur
25
de Mondoucet a escrit à mon dit seigneur, lequel nous fit cest honneur en ce couchant à
26
Dourmans, de nous faire veoyr les dites lettres. Il y a troys jours que les nouvelles sont venues
27
à la court de la mort du conte de Ventadoul. Le conte de Maulevryer a eu sa compaignie.
28
Nous sommes tousiours attendant messieurs de Vènes et de Laval. Il ne seront pas plus toust
29
arrivé que je naye le piet à lestrier pour vous aller faire la reverance. Mon frère de Guarguas
30
[v°] ce pourtent bien, Dieu graces, comme font ces compaignons. Pour navoyr aultres nouvelles à vous
31
escrire, je salueray voz bonnes graces par mes très humbles recommandations, priant Nostre Seigneur
32
vous donner
33
monsieur, en très bonne santé longue et hereuse vye. A Parys ce XXXe de juillet.
34
Vostre très humble filz et très hobeyssant
35
à jamays
36
Hourche
37
Si madame veoit la presente, elle y trouvera mes
38
très humbles recommandations à sa bonne grace.
39
Comme jauray ce bien de vous veoyr, je vous feray
40
ung plaisant conte du discours passé entre monsieur de
41
Valence et moy, lequel dit autrement ne vous estre plus tel
42
quil a esté du passé. Cest la moindre perte que vous pouvés faire,
43
estant dune si escabreuse humeur comme il est.